Мин быйыл оскуола тыйаатырыгар иккис сылбын сылдьабын. Былырыын маҥнайгы кылааска үөрэнэ сылдьан эмиэ дьарыктаммытым. Онно оруолум суох этэ. Сцена уларыйар кэмигэр сахалыы үҥкүү толорбуппут.
Онтон быйыл сыалай үс оруолу толордум- Харах-Харах уол, Тыал уонна Күрдьэх.
1940 сыллаахха Мэҥэ-Хаҥалас оройуонун, II Наахара нэһилиэгин олохтооҕо Николай Абрамов-Кынат тылыттан Христофор Қонстантинов суруйбут “Таал-Таал эмээхсин” норуот остуоруйатын Суорун Омоллоон “Саха фольклора” кинигэтиттэн ылан туруордубут.
Бу туруорууга 11 уонна алын сүһүөх кылаас оҕолоро кытынныбыт. Сүрүн оруолларга Алаа Моҕус – Роберт Барашков, Таал Таал эмээхсин – Күннэй Христофорова, Кулгаах Кулгаах уол – Женя Терентьев, Мурун Мурун уол – София Барашкова, атын оруолларга – Эрсан Борисов, Амелия Максимова, Милена Барашкова, Айна Аянитова, Саргы Борисова, Сайаана Демьянова кытыннылар. Декорацияны уонна реквизиттэри 8 кылаас үөрэнээчитэ Иванна Заболоцкая, төрөппүттэр уонна оскуола үлэһиттэрэ оҥордулар. Салайааччыбыт – Татьяна Андросова.
Тыйаатыр куруһуогар сылдьар олус интириэһинэй, сэргэх, бэһиэлэй. Ол эрээри кэккэ ыараххаттардаах, ол тылы нойосуус үөрэтиитэ буолар.
Оскуола тыйаатыра миэхэ олус элбэҕи үөрэтэр- хомуллуулаах, эппиэтинэстээх буоларга. Сахалыы элбэх саҥа тыллары биллим, холобур -үөттүрэх, күлбүһэх диэни билбэт этим.
Оҕолоор, бу сигэнэн https://youtu.be/2b4BTmu_Pmk?si=Nvp5mNESU4Ah5DWv киирэн биһи тыйаатырбыт туруорбут Таал-Таал эмээхсин остуоруйатын көрүҥ.
Биһиги тыйаатырбыт телеграм сигэтинэн https://t.me/cholbonteatr киирэн үлэ ыытыллыытын эмиэ кэтээн көрүөххүтүн син.
Виолетта Емельянова,
Тихон Каженкин аатынан Арыылаах орто оскуолатын
2 кылааһын үөрэнээччитэ, “Чолбон” оскуола тыйаатырын артыыһа