Дьиэ «Хаарбах туруктаах дьиэттэн көһөрүү» федеральнай бырагырааманан тутулунна. Толору хааччыллыылаах дьиэни Афанасий Матвеев салайар «ВостокСтрой» тэрилтэтэ үлэҕэ киллэрдэ.
Арыылаах нэһилиэгин баһылыга Антон Янцен билиһиннэрбитинэн, бу дьиэҕэ нэһилиэк кыаммат араҥата, кырдьаҕас олохтоохторо киирдилэр.
Дьиэ үөрүүлээх аһыллыытыгар улуус баһылыга Степан Саргыдаев ыалдьыттаата, олохтоохторго саҥа дьиэ сылаас, истиҥ эйгэлээх буоларыгар баҕарда.
Санатан эттэххэ, былырыын күһүн эмиэ маннык дьиэ тутуллан, нэһилиэккэ үлэлии кэлбит исписэлиистэргэ анаммыта.
Уопсайа улууспут үрдүнэн бу бырагырааманан 36 элбэх кыбартыыралаах дьиэ, 819 кыбартыыра тутулунна, 2110 олохтоох көстө.
Елена Макаринская