Ахсынньы 17 күнүгэр Сэбиэскэй Сойуус Дьоруойа Г. Д. Протодьяконов аатынан үгэскэ кубулуйбут үс улуус, үс нэһилиэк Курбуһах (Уус Алдан), Чыаппара (Чурапчы), Нуораҕана (Мэҥэ Ханалас) национальнай спорт көрүҥнэригэр табаарыстыы көрсүһүүлэрэ Курбуһахха буолан ааста.
Күрэхтэһии 6 көрүҥүнэн ыытылынна. Ол курдук:
1. Щитка мээчиги киллэриигэ;
2. Дартс быраҕыыга;
3. Оҕунан ытыыга;
4. Хабылыкка, хаамыскаҕа;
5. Салгын саатынан ытыыга;
6. Классическай волейболга.
Күрэхтэһиини СӨ маассабай спорт салалтата көҕүлээн ыытта. Саҕаланыытыгар маастар-кылаастар буоллулар. Маастар-кылаастары өрөспүүбүлүкэҕэ биллэр спортсменнар уонна спорду көҕүлээччилэр Афанасьева З.Е., Горохов Д.Н., Габышева А.И.-Сыдьаайа ыыттылар.
6 көрүҥҥэ күрэхтэспиппититтэн 5-с көрүҥҥэ кыайыыны ситистибит. Мээчиги быраҕыыга, оҕунан ытыыга, салгын саатынан ытыыга, хабылыкка, хаамыскаҕа, волейболга инники күөҥҥэ сырыттыбыт. Уопсайга хамаанданан бастаан, кубогынан наҕараадаланныбыт. Миэстэлэспиттэр бары түөспүтүгэр мэтээл кэттибит, махтал суругунан бэлиэтэннибит.
Оскуола оҕолоругар Арчылаан Барашков үчүгэй оонньууну көрдөрөн, анал бирииһи тутта.
Курэхтэһиини тэрийбит салайааччыларбытыгар, тырааныспарынан таспыт Александр Мохначевскайга, Александр Христофоровка, Гаврил Гоголевка, хамаанданы түмэн илдьэ сылдьыбыт Ким Михайловичка, аҕа баһылыкпытыгар Иван Ивановичка, судьуйанан барсыбыт Дмитрий Сорокоумовка махталбытын тиэрдэбит.
Татьяна Барашкова