Арассыыйаҕа Дьиэ кэргэн, өрөспүүбүлүкэҕэ Оҕо саас, улууска Ыал саргыта сылларыгар анаммыт өрөспүүбүлүкэтээҕи төрүт үгэскэ киирбэт Аҕа күрэҕин улуустааҕы сүүмэрдиир түһүмэҕэ түмүктэннэ.
Кыайыылаах Крыловтар хамаандалара өрөспүүбүлүкэҕэ улууспут чиэһин көмүскүү барыахтара. Кинилэргэ улуус дьаһалтата туруорбут тэлэбиисэр бириис туттарылынна.
Иккис миэстэҕэ Чурапчы “Спортивнай” ТОһуттан Константин Кривошапкин уолунаан Айталлыын, үһүс миэстэҕэ Мугудайтан Петр Яковлев уолунаан Петялыын таҕыстылар.
Кыттааччылар бары өйдөбүнньүк бирииһинэн наҕараадаланнылар, Дьиэ кэргэн бырааһынньыга буолла дэһэн, сүргэлэрэ көтөҕүллэн, астынан тарҕастылар.
Елена Макаринская