Бас билии көрүҥүттэн тутулуга суох, быйыл өрөспүүбүлүкэ үрдүнэн 64 000 туонна үүт туттарыллан астаныахтаах. Бу сыалга 3,8 млрд. солк харчы көрүллэн, 79 %-а тустаах улуустарга тиэрдиллэн турар.
Тыа хаһаайыстыбатын министиэристибэтэ иһитиннэрэринэн, сыл саҕаланыаҕыттан 26 785 туонна үүт соҕотуопкаланан, былаан 41,8 %-на толоруллан иһэр. Ааспыт сыл туһааннаах кэмин кытары тэҥнээтэххэ, бу 6 %-ынан элбэх.
Биирдиилээн ылан көрдөххө, Мирнэй куората былаанын 67 %, Кэбээйи улууһа 56 % толорон инники күөҥҥэ сылдьаллар. Элбэх сүөһүлээх улуустартан сорудахтарын Хаҥалас улууһа 45 % (былаана 5 094 т), Мэҥэ Хаҥалас улууһа 39 % (былаана 5 292 т), Чурапчы улууһа 37 % (сорудаҕа 5 465 т) толорбуттар. Оттон Сунтаар улууһа 3 418 туонна үүтү тутан астаан, былаанан 51 % толорон бастаан иһэр.
Раиса Сибирякова
Бэлээмнээтэ Сэмэн Жендринскэй