Карл Маркс аатынан сопхуос Бахсытааҕы отделениетын биир бөдөҥ салаата – “Сардаҥа” ыччат-комсомольскай фермата этэ. Манна отучча сыл ыанньыксытынан Мария Николаевна Мохначевская үлэлээбитэ.
Кини үлэҕэ үтүө сыһыан холобурун көрдөрөрө, эдэрдэргэ куруутун сүбэни-аманы биэрэрэ. Ыччат настаабынньыга Мария Николаевна үбүлүөйдээх сылга үлэтигэр үрдүк көрдөрүүнү ситиспитэ.
Кини “1977 сыл социалистическай куоталаһыы кыайыылааҕа” знагынан наҕараадаламмыта.
Мария Мохначевская ити сыл 11 ыйын түмүгүнэн хас биирдии фуражнай ынаҕыттан ортотунан 2269 киилэ үрүҥ илгэни үрүлүтэн былаанын 129,7 бырыһыан толорбута.
Бу — Бахсы отделениетыгар оччотооҕуга биир бастыҥ көрдөрүүнэн буолбута.
Сэмэн ЖЕНДРИНСКЭЙ