Биһиги Улахан Күөл оскуолата биир дойдулаахпыт, сахалартан аан бастаан Саха сирин эмтээх отторун үөрэппит, сэттэ кинигэ ааптара, биллиилээх учуонай Афанасий Акимович Макаров аатын сүгэр. Афанасий Акимович быйыл төрөөбүтэ 100 сылыгар аналлаах өрөспүүбүлүкэтээҕи “Макаровскай ааҕыылар” бэрт тэрээһиннээхтик ыытылынна.
Тэрээһиҥҥэ Афанасий Акимович төрөппүт уола биллиилээх учуонай Георгий Афанасьевич Макаров уонна аймахтара кэлэн кыттыыны ыллылар.
Барыта 9 секциянан дакылааты иһиттилэр, 21 эксперт үлэлээтэ. Томпоттон, Мэҥэ Хаҥаластан, Амматтан, Хаҥаластан,Дьокуускай куораттан уонна Чурапчы улууһун оскуолаларын 261 үөрэнээччитэ уонна педагогтара кыттыыны ыллылар. Кэтэхтэн күрэххэ барыта 317 үлэ араас улуустан киирдэ.
Дьүүллүүр сүбэ састаабыгар киирэн үлэлээтилэр: физика уонна математика билимин хандьыдаата Г.А. Макаров, Космофизика уонна аэрономия институтун научнай үлэһитэ, кэргэнэ Ирина Макарова, К.Пермяков аатынан педмузей сотруднига Екатерина Егорова,биологическай наука кандидата, энтомолог Анатолий Попов, Хифу естественнэй наукалар институттарын биология салаатын ассистена Иван Пономарёв, РА Сибиирдээҕи салаатын биологическай институтун научнай сотруднига Виктория Филиппова, ХИФУ естественнэй наука институтун доцена, техническэй наука кандидата Виктория Портнягина, улуустааҕы үөрэх салалтатын начальнигын солбуйааччы Ираида Винокурова, Сылаҥ орто оскуолатын учуутала Зинаида Дьячковская, улуустааҕы үөрэх салалтатын исписэлииһэ, оскуолабыт куратора Любовь Федотова, СӨ Үөрэҕириитин туйгуна Екатерина Ермолаева, СӨ уонна РФ Доруобуйа харыстабылын үтүөлээх үлэһитэ Валентина Иванова, улуустааҕы үөрэх салалтатын сүрүннүүр исписэлииһэ Мария Артемьева, К. Пермяков аатынан педмузей сотруднига Кыдана Чечебутова, РФ үтүөлээх пилота Виталий Иванов, улуустааҕы үөрэх салалтатын исписэлииһэ, наука кандидата Николай Артемьев, РФ Үөрэҕириитин бочуоттаах үлэһитэ Альбина Бойтунова.
Уһуйааммыт,оскуолабыт оҕолоро, иитээччилэр, учууталлар эрдэттэн бэлэмнэнэн, бэйэлэрин кыахтарынан сэмэй ситиһиилэннилэр. Ол курдук “ЗОЖ” секцияҕа Егор Максимов 3 миэстэ (сал. Иванова С.И.), “Экология” секциятыгар Маша Тимофеева 2кыл (сал. Дмитриева С.В.), “Макаров олоҕо уонна үлэтэ” Гран-при Трофимова Айыллаана (сал. Божедонова Н.И.), лауреат Сайаан Трофимов 2 кыл (сал. Трофимова С.Д.), 1-кы степеннээх диплом Арслан Иванов (сал. Божедонова Л.В.), 3-с степеннээх диплом Виола Гермогенова 6 кыл (сал. Платонова С.К.), “Интэриэһинэй эксперимент” номинация Шура, Сема Макаровтар (сал. Макарова Э.Б.) буоллулар.
Маны таһынан кырачааннарбыт эмиэ ситиһиилэннилэр. Айаал Иванов 3-с степеннээх диплом (сал. Платонова Г.И.), Боря Трофимов 2 степеннээх диплом (сал. Трофимова С.Д.), Сайаара Трофимова “Ураты тиэмэтин иһин” номинация, Мичил Трофимов “Интэриэһинэй эксперимент” номинация (сал. Максимова А.П.) буоллулар.
Учууталларга, иитээччилэргэ анаммыт “Методика преподавания” секцияларыгар биһиги оскуолаттан иитээччи Сивцева М.М. 3 степеннээх диплом, Трофимова С.Д. “Ураты тиэмэтин иһин” номинация хаһаайыттарынан буоллулар.
Любовь Трофимова, Улахан Күөл