СӨ тутууга миниистирэ Виктор Дмитриевич Романов үлэ хаамыытынан бүгүн Чурапчы нэһилиэгэр кэлэ сылдьар.
Саҥа 53 кыбартыыралаах дьиэ үөрүүлээх арыллыытын кэнниттэн, миниистир, улуус баһылыга Степан Саргыдаев арыалдьыттаах эһиил үлэҕэ киириэхтээх Афанасий Софронов аатынан успуорт уораҕайын тутуутун кытары билистилэр. Онтон Прокопий Скольников аатынан Чурапчытааҕы Таас балыыһа эбийиэгин кэрийдилэр итиэннэ түмүккэ Егор Борисов аатынан архыып-бибилэтиэкэ тутуллуутун тас эркинин көрдүлэр-иһиттилэр.
Салгыы, улуус баһылыгын кабинетыгар олорон эрэ, ВКС сибээһинэн СӨ Бырабыыталыстыбатын бэрэссэдээтэлэ Кирилл Бычков кыттыылаах мунньахха кытыннылар. Кинилэр манна чуолаан, 2023 сыл от ыйын 21 күнүгэр СӨ Ил Дархана Айсен Николаев Чурапчы улууһугар кэлэ сылдьан туруорбут соруктара кэмигэр туолуутугар аһаҕас кэпсэтиини ыыттылар.
