Сүбэлэр
Түннүгү уонна аан арааматын кырааскалыырга өстүөкүлэҕэ кырааска биһиллибэтин диэн анал сыстар кумааҕыны (лиэнтэни) эбэтэр ханнык баҕарар чиҥ кумааҕыны
сиигирдэн баран сыһыарыллар.
Өстүөкүлэни ортотунан быһыллыбыт эриэппэ луугунан эбэтэр уксуустаах тампонунан соттоххо, сыстыбыт кырааска дөбөннүк ыраастанар.
Эмульсионнай кырааска 6 ч, эмаль 1 суукка, маслянай кырааска 2 суукка куураллар. Муоста кырааската ситэ куура илик буоллаҕына, полиэтилентан уллуҥах саҕа куһуоктары быһан, муостаҕа ууран, холкутук хааман киириэххэ сөп. Кэлин, кырааска куурбутун кэннэ, ол пленкалары сэрэнэн хоҥнорон ылыллар. Ханан да киһи сылдьыбыт чинчитэ биллиэ суоҕа.
Муоста кырааската олус сыттаах буолар. Хас да сиргэ туустаах тэриэлкэлэрдэ ууруҥ
Иннэ, булавка, испиискэ дьэбиннирбит буоллаҕына, хаһаайыстыбаннай мыылаҕа
батары анньан туруоруҥ.
Сыппах быһаҕы чаас аҥаара туустаах ууга (1 остолобуой ньуосканы 1 л ууга) туттахха,иүргэнник сытыыланар.
***
Оҕо күн сыралҕаныгар оҕустардаҕына
Өскөтүн төбөтө ыалдьар, хотуолуур, кыраадыһа тахсар буоллаҕына, оҕону күлүккэ илдьиҥ, сыгынньахтаан сытыарыҥ, атаҕын анныгар сыттыкта угуҥ.
Тымныы уулаах губканан этин-сиинин сотуҥ. Төбөтүгэр тымныы кэмпириэстэ ууруҥ, вентилятор холбуохха сөп. Тымныы уута биэриҥ уонна бырааһы ыҥырыҥ.
Кыраадыһа тахсыбат буоллаҕына, эми биэрбэт ордук. Ол оннугар элбэх ууну эбэтэр моонньоҕонтон, отонтон морс оҥорон иһэрдиҥ.
Үөн-көйүүр ыстаатаҕына
Оҕо тириитигэр үөн иннэтэ хааллаҕына, пинцетинэн хостооҥ. Үөн ыстаабыт сирэ
дыгдайбатын уонна ыалдьыбатын туһугар 10 мүн тымныыны уура түһүөххэ сөп. Ол кэнниттэн аллергияны эмтиир мааһынан сотуҥ.
10 см курдук кытардаҕына, кыһыйар уонна иһэр буоллаҕына, аллергияттан туһалыыр
ханнык баҕарар эми бэриллэр. Аптечкаҕа баар буолуохтаах: Тавегил, супрастин, кларитин, фенистил-гель, оҕо кириэмэ.
***
Купальнигы талыыга сүбэлэр
Өскөтүн өттүккут олус синньигэс, биигит биллибэт буоллаҕына, өттүгүнэн уһун оҥо быһыылаах купальник барсар. Аллара өттүнэн рюшалаах, стразалаах, биһилэхтээх бикини үчүгэйдик көстөр. Кыра түөстээх кыргыттарга «бандо» купальник, ордук үөһээҥҥи чааһа чээлэй өҥнөөх, оттон туруусуга биир дьүһүннээх буоллаҕына табыгастаах. Өскөтүн, сарыҥҥыт кэтит буоллаҕына, чээлэй өҥнөөх аллараа өттө уонна биир дьүһүннээх үөһээ өттө барсар. Холбуу сылдьар квадрат быһыылаах декольтелаах уонна аллараа өттө суптугур быһыылаах купальник кэрэ дьүһүҥҥүтүн тупсарыа. Стринги уонна өттүгүнэн үрдүк оҥо быһыылаах купальнигы кэтэртэн туттунуҥ.
Толору эттээхтэр-сииннээхтэр наадалаах сирдэринэн аһаҕастаах купальнигы таллахтарына ырыган буолан көстүөхтэрин сөп! Хараҥа дьүһүннээх купальниктары талар табыгастаах, таҥаһынан бүрүнэр сатаммат.
Үтэ сылдьар иһи маайкалаах сөтүөлүүр туруусук «танкини» кистиэ. Атын быһыылаах купальниктартан аккаастанар ордук.