1977 сыллаах тутуу дьиэҕэ 64 иитиллээччи сылдьар.Уһуйаан ирдэбилгэ ханан да эппиэттээбэт. Олохтоохтор уһуйаан тутуута түргэтииригэр баҕараллар. Маны таһынан оскуолаҕа саҥа интэринээт дьиэтин туруорсаллар. Интэринээт сэбиэдиссэйэ Лена Сивцева этэринэн, урут 48 оҕоҕо тиийэ олорор эбит буоллахтарына, күн бүгүн 13 эрэ оҕо олорор. Кини Сылаҥ оскуолата түөрт учаастагы хабарын бэлиэтээтэ.
Хайа да нэһилиэккэ буоларын курдук, ыччаты тыа сиригэр олохсутуу боппуруоһа эмиэ турда. Хамнас кырата, тыа хаһаайыстыбатынан дьарыктанар ыччат олохсуйарыгар анал бырагыраама суоҕа төрүөт буоларын эттилэр.
Олохтоохтор гаас киирэриттэн үөрэллэрин биллэрдилэр, Чараҥ түөлбэни эмиэ холбуулларыгар көрдөстүлэр.
Тыа хаһаайыстыбатыгар, доруобуйа харыстабылыгар, спортка сыһыаннаах ыйытыылар киирэн эппиэттэннилэр.
Нэһилиэнньэ Бырабыыталыстыба үлэтин сөптөөҕүнэн сыаналаата.
Елена Макаринская