2024 сыл – Арассыыйаҕа Дьиэ кэргэн, Саха Өрөспүүбүлүкэтигэр Оҕо саас, улууска Ыал саргыта, Сылаҥ нэһилиэгэр Түөлбэ сыллара биллэриллибиттэрэ.
Онтон ыам ыйын 15 күнэ — аан дойдуга дьиэ кэргэн күнэ.
Ол курдук профессор Г.П. Башарин аатынан Сылан орто оскуолатыгар ыам ыйын 14 күнүттэн саҕалаан ыам ыйын 17 күнүгэр дылы дьиэ кэргэн нэдиэлэтэ буолан ааста.
Нэдиэлэ устата төрөппүт уруокка сылдьыытыттан саҕаланна.
Төрөппүт оҥоһуктарын выставката турда. Кырдьык даҕаны биһиги төрөппүттэрбит талааннаах да эбиттэр, араас оҥоһуктар барыта бааллар, талааннаах киһи эргиччи талааннаах диэн мээнэҕэ эппэттэр эбит.
“Шахматный баттл” диэн кылаастар икки ардыларыгар төрөпүттэрдээх күрэх ыытылынна. Тыҥааһыннаах күрэх түмүгэр улахан сүһүөххэ 10 кылаастар бастаан таҕыстылар. Иккис миэстэ буоллулар 8 кылаас хамаандата, үһүс миэстэ буолла 5 кылаас хамаандата. Алын сүһүөххэ бастакы миэстэни ыллылар 4 кылаас хамаандата, иккис миэстэ 2 кылаас хамаандата буолла.
Ыам ыйын 15 күнүгэр кылаас аайыттан биирдии төрөппүт мастер – кылаас ыытта.
Манна хайдах танас быһарга, уруһуйдуурга, макраме онорорго, күрүчүөгүнэн өрөргө, гипсэнэн иһит онорорго уонна да араас мастер кылаастары биһиги төрөппүттэрбит оҕолорго анаан ыыттылар. Сылдьыбыт учууталлар, оҕолор арааска барытыгар үөрэннилэр астына тарҕастылар.
Ыам ыйын 16 күнүгэр уопсай төрөппүт мунньаҕа буолла. Мунньах саҕаланыан иннинэ сылаас алаадьынан, амтаннаах чэй отунан күндү төрөппүттэрбитин күндүлээтибит, музейга экскурсия сырыттылар, выставканы сэҥээрэ көрдүлэр.
Оскуолабыт директора Николай Дьяконов дьиэ-кэргэн күнүнэн итиитик — истиҥник эҕэрдэлээтэ уонна актыыбынай төрөпүттэргэ махтал суруктары туттартаата. Мунньахха араас боппуруостар көрүллүннүлэр. Оҕону сыйынны бириэмэҕэ ханнык лааҕырга ыытыахха сөбүн, 14 саастартан үөһээ оҕолор сайын устата бэйэбит оскуолабытыгар хамнаска үлэлиэхтэрин туһунан, ону таһынан участкуобай Герасимов Т.Т. сайыҥҥы бэрээдэк, мотоцикл, «Внимание дети», туһунан төрөппүттэргэ профилактическай бэсиэдэ ыытта.
Аграфена Трофимова, дириэктэр сүбэһитэ, педагог-организатор