Сылаҥ оскуолата тас дойдуну кытта сибээс олохтоото

Профессор Г.П.Башарин аатынан Сылаҥ орто оскуолата иитэр-үөрэтэр үлэтин хас да бырайыактарынан тэрийэр. Бэс ыйын 26 күнүгэр оскуола дириэктэрэ Николай Дьяконов Кытай Норуодунай Өрөспүүбүлүкэтин, Харбиннааҕы Хэйлунцзянскай кытай мэдиссиинэтин үнүбүрсүтүөтүн кытта бииргэ үлэлииргэ сөбүлэҥ түһэрсэргэ кэпсэттэ.

Көрсүһүүгэ үнүбүрсүтүөт норуоттар икки ардыларынааҕы сибээскэ салаатын дириэктэрэ Лиу Руи уонна бу салаа сэкиритээрин солбуйааччы Лиу Тингтинг кытыннылар. Икки өттүттэн үөрэх тэрилтэлэрин туһунан иһитиннэрии оҥоһулунна, видео матырыйаал көрдүлэр. Бииргэ үлэлэһии сүрүн хайысхаларын торумнаатылар. Онон профессор Башарин “Дружба народов –главный источник развития по пути прогресса” этиитинэн (кэс тылынан) сирдэтэн, сайдыы саҥа саҕахтарын арыйабыт.

Оскуола пресс-киинэ