Д.Д.Красильников аатынан Мугудай орто оскуолатын 11-с кылааһын үөрэнээччилэрэ Аялита Рязанская уонна Юлияна Пермякова быйыл 18 саастарын туолан олохторугар бастакытын дойдубут инникитин быһаарар дьоһун суолталаах быыбарга 664-с нүөмэрдээх быыбардыыр учаастакка куоластаатылар. Биллэн турар, кинилэргэ бу олус долгутуулаах күн буолла.
Кыргыттар быйыл оскуолаларын бүтэрэн, мантан кынат анньынан олох киэҥ аартыгар үктэниэхтэрэ турдаҕа. Онон бу быйылгы быыбар кинилэр инникилэригэр эмиэ улахан сабыдыаллааҕын Юлияналаах Аялита бэркэ диэн өйдүүллэр, эппиэтинэстээхтик сыһыаннаһаллар.
Кыргыттарга күүтэн турар БКЭ тургутууларыгар ситиһиилэри, талан ылбыт идэлэрин баһылыыр үөрэхтэригэр киирэллэригэр баҕарабыт!
Наталья Сибирякова