Евдокия Катакова салайааччылаах Мугудайдааҕы «Күбэйэ» түмсүү ансаамбыла М.И.Сивцева туруорбут «Чайки севера» үҥкүүлэринэн норуоттар икки ардыларынааҕы куонкурустарга «Гран-при» хаһаайына буоланнар, Сочига фестивальга кыттар ыҥырыынан наҕараадаламмыттара.
Бу фестиваль чэрчитинэн, быйыл алтынньы 6-9 күннэригэр Сочи куоракка ыытыллыбыт чулууттан чулуулар киирсэр «Золотой кубок» куонкурустарыгар кыттан, 1 истиэпэннээх лауреат үрдүк аатын ылан кэллилэр. Кыайыы көтөллөөх кэлбит дьоммутугар эҕэрдэ, өссө да ситиһии сиэттиһэ сырыттын!
Наталья Сибирякова