СӨ Бырабыыталыстыбатыгар мугудайдар урут-уруккуттан ОДьКХ ГУТ көрүүтүгэр баар хочуолунайы саҥардарга туруорсаллар. Баһылык Николай Аммосов хочуолунай тутуута былааҥҥа 2028 сылга киирбитин, ону түргэтэргэ диэн ис хоһоонноох суругу СӨ Бырабыыталыстыбатын бэрэссэдээтэлин 1-кы солбуйааччытыгар Дьулустан Борисовка анаан тиэрдэллэригэр туттарда. Отчуот иннинэ хочуолунай туругун Бырабыыталыстыба отчуоттуур бөлөҕөр көрдөрдө.
Маны таһынан олохтоохтору ханна да буоларын курдук тыа сиригэр эдэр ыччаты олохсутуу кыһалҕата долгутар. Ыччат дьон нэһилиэктэн киин сиргэ көһөллөрө баар суол. Маны тохтоторго ханнык суолу тобулуохха сөбүгэр санааларын эттилэр.
Нэһилиэнньэттэн олус элбэх ыйытыы киирэн эппиэттэннэ. Тыа хаһаайыстыбатыгар, доруобуйа харыстабылыгар, биэрэги бөҕөргөтүүгэ, хамнаска, саҥа сокуоннар киириилэригэр, о.д.а
СӨ Бырабыыталыстыбатын үлэтин сөптөөҕүнэн сыаналаатылар.
Елена Макаринская