Бэҕэһээ о.э. сэтинньи 28 күнүгэр, Кытаанах нэһилиэгин дьаһалтатын өйөбүлүнэн, Килэҥки бөһүөлэгэр доруобуйаларынан хааччахтаах дьон уопсастыба олоҕор көхтөөхтүк кытталларыгар, кинилэр бырааптарын көмүскүүр сыаллаах инбэлииттэр норуоттар икки ардыларынааҕы күннэрин дэкээдэтэ саҕаланна.
Олус түмсүүлээх, бары дьаһалларга көхтөөх “Сыккыс” инбэлииттэр уопсастыбаннай түмсүүлэрэ Кытаанах нэһилиэгэр 2007 сылтан тэриллэн олус таһаарыылаахтык үлэлиир. Онуоха манна барытыгар олохтоох дьаһалта төһүү күүс, тирэх, өйөбүл буолар. Ол курдук быйылгы дьылга нэһилиэк баһылыга Егор Николаевич быһаччы дьаһалынан, өрөспүүбүлүкэ көрөр үбүгэр олохтоох бүддьүөттэн 160 тыһ.солк утары уунан, уопсайа 500 тыһ. сууммаҕа 1 группалаах инбэлиит икки ыалга благоустройство киллэрдилэр. Былырыын доруобуйаларынан хааччахтаах биир ыалга итинник көмө оҥоһуллубута.
“Түмсүү биир бастыҥ холобурунан, успуорт инструктара Алексей Терютин уонна салайааччы Ксения Гоголева туруорсууларынан, балыктыыр күөл анатаннар сыл ахсын көмүс хатырыктаахтарынан дьоннорун күндүлүүллэрэ, саас-күһүн кустааһын аахсыйатын тэрийэннэр кырдьаҕастары, аҥардас ийэлэри маанылыыллара, улаханнык үөрдэллэрэ буолар. Нэһилиэкпит иһигэр араас хабааннаах тэрээһиннэри ыыталлар, итини таһынан улууска, өрөспүүбүлүкэҕэ буолар дьаһалларга бэйэлэрэ биир бастакынан кыттыыны ылаллар. Ол курдук, ааспыт 2020, 2021, 2022 сылларга улууска, өрөспүүбүлүкэҕэ Бастыҥ үлэлээх бастакы сүһүөх тэрилтэ аатын ылбыттара. 2022 сыллаахха өрөспүүбүлүкэтээҕи “Куйуур” күрэҕин муҥутуур кыайыылаахтара. Манна Пономаревтар дьиэ кэргэн, “Счастливы вместе” доруобуйаларынан хааччахтаах дьон ортолоругар улуустааҕы, өрөспүүбүлүкэтээҕи күрэхтэр кылаан кыайыылаахтара, “Сыл бастыҥ дьиэ кэргэнэ” анал аат хаһаайыттара. Михаил Николаевич бэйэтэ, өрөспүүбүлүкэтээҕи кэтэхтэн ыытыллыбыт “Аҕа күрэҕин” кыайыылааҕа. Итини таһынан кинилэр улууска ыытыллыбыт доруобай дьон икки ардыларынааҕы куонкуруска “Тыа сирин ыала” номинация хаһаайыттара, ону таһынан кэтэхтэн ыытыллыбыт өрөспүүбүлүкэтээҕи тэлгэһэ күрэҕин чөмпүйүөннэрэ. Николай Суздалов – өрөспүүбүлүкэтээҕи “Сыл бастыҥ лидерэ” номинация кыайыылааҕа. Ксения Гоголева бэйэтэ улууска уонна өрөспүүбүлүкэҕэ биир бастыҥ, биллэр салайааччы буолар. Сардана Окоемова – ырыаны айааччы, толорооччу быһыытынан өрөспүүбүлүкэҕэ ыытыллыбыт ырыа күрэхтэрин хас да төгүллээх кыайыылааҕа, дипломана. Түгэнинэн туһанан бу ыытыллар дэкээдэбитигэр күүс-көмө буолбут нэһилиэкпит дьонугар-сэргэтигэр дьаһалта уонна тус бэйэм ааппыттан дириҥ махталбын тириэрдэбин”, — диэн Кытаанах нэһилиэгин баһылыга Егор Потапов билиһиннэрдэ.
Дэкээдэ чэрчитинэн, бэҕэһээ Сылаҥ нэһилиэгиттэн, Килэҥкиттэн “Сыккыс” түмсүүтүн, Кытаанах нэһилиэгин дьокутааттарын уонна Чурапчы улууһун сүүмэрдэммит хамаандатын икки ардыгар олорон эрэ волейболга, остуол тенниһигэр, дартс көрүҥнэригэр аһаҕас турнир буолла. Хамаандалар бары даҕаны бэлэмнээхтэрин, кыайыыга дьулуурдаахтарын көрдөрдүлэр. Тэрээһин үөрүүлээх чааһыгар Чурапчы улууһун адаптивнай успуорт көрүҥнэрин бэрэссэдээтэлэ Иннокентий Матвеев, Кытаанах нэһилиэгин Аҕа баһылыга Егор Потапов, “Сыккыс” түмсүү салайааччыта Парасковья Новгородова кыттыыны ыллылар.
Олорон эрэ волейбол көрүҥэр, уопсай түмүк
1 миэстэ – Чурапчы улууһун сүүмэрдэммит хамаандата;
2 миэстэ – Кытаанах нэһилиэгин дьокутааттара;
3 миэстэ – Сылаҥ нэһилиэгин доруобуйларынан хааччахтаах дьон түмсүүтэ;
4 миэстэ – “Сыккыс” түмсүү.
Остуол тенниһигэр
Эр дьоҥҥо
1 миэстэ – Степан Прохоров (Кытаанах);
2 миэстэ – Павел Кирсанов (Хоптоҕо-Чурапчы улууһун сүүмэрдэммит хамаандата);
3 миэстэ – Алексей Попов (Сылаҥ).
Дьахталларга
1 миэстэ – Мотрена Дьячковская (Сылаҥ);
2 миэстэ – Надежда Попова (Сылаҥ);
3 миэстэ – Мария Собакина (Кытаанах).
Дартс
Дьахталларга
1 миэстэ – Парасковья Новгородова (Кытаанах);
2 миэстэ – Надежда Попова (Сылаҥ);
3 миэстэ – Татьяна Васильева (Чурапчы).
Эр дьоҥҥо
1 миэстэ – Павел Кирсанов (Хоптоҕо-Чурапчы улууһун сүүмэрдэммит хамаандата);
2 миэстэ – Алексей Окоемов (Кытаанах);
3 миэстэ – Альберт Собакин (Кытаанах).
Кыайыылаахтар, призердар бары мэтээллэринэн ону таһынан этинэн, арыынан бириистэри туттулар.
Күрэхтэһии сүрүн успуонсардарынан Кытаанахтааҕы арыы сыаҕын маастара Анна Боякинова, урбаанньыттар Григорий Борисов, Иван Собакин, Леонид Пономарев, Пантелеймон Сидоров, Александр Барашков, Саина Алексеева, Марк Суздалов, нэһилиэк дьокутааттара Трофим Борисов, Иван Коркин, олох-дьаһах хомунаалынай хаһаайыстыбатыттан Петр Собакин, Вячеслав Потапов, Василий Потапов, Дмитрий Кириллин, СӨ тыатын хаһаайыстыбатын туйгуннара Алексей Пономарев, Николай Миронов, пенсионердар Терентий Пономарев, Алексей Окоемов, тыа хаһаайыстыбатын исписэлииһэ Ульяна Захарова, олохтоох дьаһалта, исписэлиис Парасковья Собакина, учууталлар Дмитрий Макаров, Анисия Дьяконова, Екатерина Андреева, Кытаанах орто оскуолата, Парасковья Новгородова, сылгыһыт Алексей Терютин, Алексей Коркин, Иван Оконешников буоллулар.
Сэмэн Жендринскэй