Чурапчы нэһилиэгин “Ытык сүбэтин” чилиэннэрэ быйылгы үбүлүөйдээх—Чурапчы нэһилиэгэ 375 сыла туолар сылыгар элбэх субуотунньуктарга, араас тэрээһиннэргэ көхтөөхтүк кытыннылар. Биир сүрүн үлэлэринэн мас олордуута буолла. Саас ыам ыйыгар мас олордуллубут палисадниктарын күрүөлэрин кырааскалаабыттара. Күһүн Октябрьскай Өрөбөлүүссүйэҕэ анаммыт мемориал томторун кэннигэр, үрэҕи кыйа оҥоһуллубут сквери кэҥэтэн оҥорбуттара. Салгыы биирдии киһи 5-тии маһы олордорго соруктанан, тырааныспар булан, тыаттан түөрэн киллэрэн олордубуттара.
Бу үлэни тэрийиигэ, дьаһайыыга Иван Григорьевич Макаров сүрүннээччинэн буолла. Тырааныспарынан хааччыйда, хара буор аҕалтарда. Ордук көхтөөхтүк Иван Макаров, Василий Попов, Герасим Платонов, Владимир Максимов, Петр Наумов, Спартак Слепцов, Гурий Монастырев, Алексей Слепцов үлэлээтилэр.
Алексей Слепцов.