Хатылыга РСФСР норуотун үөрэҕириитин туйгуна, спорт бэтэрээнэ, үгүс оҕону, ыччаты саахымакка уһуйбут тириэньэр, Хатылы нэһилиэгин Бочуоттаах олохтооҕо Гаврил Николаевич Аммосов сырдык аатыгар иккис төгүлүн өрөспүүбүлүкэтээҕи саахымат күрэхтэһиитэ ыытылынна. Манна Уус Алдан, Мэҥэ Хаҥалас, Таатта улуустарын, Чурапчы нэһилиэктэрин күүстээх саахымаччыттара уонна Хатылы оскуолатын үөрэнээччилэрэ, Гаврил Николаевич иитиллээччилэрэ, уопсайа, 80 киһи кытынна.
Күрэхтэһии үөрүүлээх аһыллыытыгар Хатылы нэһилиэгин баһылыга Вячеслав Попов, Гаврил Николаевиһы кытта бииргэ алтыспыт доҕоро Николай Смирников, бастакы иитиллээччитэ Николай Беляев кыттааччылары эҕэрдэлээн туран, тириэньэрдэрин, доҕордорун туһунан иһирэхтик ахтан-санаан аастылар:»Гаврил Николаевич олоҕун оҕону, ыччаты иитиигэ анаабыт биир чаҕылхай салайааччы, төрөөбүт дойдутун, дьонун туһугар патриоттуу өйдөөх- санаалаах киһи, дьулуурдаах уонна дьаныардаах үлэһит этэ. Кини саахымакка уһуйбут иитиллээччилэрэ улуус, өрөспүүбүлүкэ ону ааһан Арассыыйа таһымыгар тиийэ күрэхтэһэн үрдүк ситиһиилэри аҕалаллара», -диэн Николай Федорович ахтыытыгар сырдатта.
Икки күннээх күрэхтэһии 9 эргииргэ хас да бөлөххө арахсан ыытылынна. Маныаха өйү-санааны түмэр, толкуйу, сатабылы тобулар сындааһыннаах киирсиилэринэн түмүк маннык буолла.
бастакы бөлөххө эр дьоҥҥо:
🏆🥇1 м — Назаров Денис (Мэҥэ Хаҥалас — Майа)
🥈2 м — Капитонов Николай (Чурапчы — Одьулуун)
🥉3 м — Местников Айсен (Дьокуускай)
Дьахталларга:
🏆🥇1 м — Васильева Арина (Дьокуускай)
🥈2 м — Неустроева Татьяна (Чурапчы — Хатылы)
🥉3 м — Попова Виктория (Чурапчы — Хатылы)
55-69 с. эр дьон бэтэрээннэргэ:
🥇- Таппыров Владимир (Дьокуускай)
🥈 — Местников Семен Владимирович (Дьокуускай)
🥉 — Щукин Иван Иванович (Таатта — Ытык-Күөл
70 cаастарыттан үөһээ эр дьон бэтэрээннэргэ:
🥇 — Жу Александр (Дьокуускай)
🥈- Смирников Николай Федорович (Чурапчы — Кытаанах)
🥉- Максимов Виктор Гаврильевич (Мэҥэ-Хаҥалас — Тумул)
Дьахталларга бэтэрээн:
🥇 — Шишигина Ульяна Спиридоновна (Мэҥэ Хаҥалас — Майя)
🥈- Давыдова Анна Степановна (Мэҥэ Хаҥалас — Аллараа Бэстээх)
🥉- Кириллина Александра Прокопьевна (Таатта — Ытык Күөл)
Оҕолорго:
2006-2009с. уолаттарга:
🥇 — Новгородов Денис (Уус-Алдан — Бороҕон)
🥈 — Плотников Сергей (Таатта — Ытык Күөл)
🥉- Винокуров Эльдар (Уус-Алдан — Бороҕон)
2006-2009с. кыргыттарга:
🥇Романова Карина (Чурапчы-Хатылы)
🥈Игнатьева Алиса (Таатта — Ытык Күөл)
🥉Романова Винелла (Чурапчы-Хатылы)
2010 — 2011 уолаттарга: 🥇Колесов Айвар (Таатта — Ытык-Күөл)
🥈Дьяконов Алексей (Чурапчы)
🥉Соловьев Арылхан (Уус-Алдан — Бороҕон)
2010-11с. кыргыттарга: 🥇Михайлова Наташа (Таатта — Ытык Күөл)
🥈Захарова Саина (Чурапчы)
🥉Максимова Кристина (Чурапчы — Хатылы)
2012-2013с уолаттарга:
1 м Стручков Вячеслав (Чурапчы) 2м Терютин Артур (Чурапчы) 3м Портнягин Афанасий (Таатта — Ытык Күөл)
2012-2013 кыргыттарга:
🥇Габышева Лилиана (Таатта — Ытык Күөл)
🥈Максимова Юлиана (Чурапчы-Хатылы)
🥉Седалищева Нарыйа (Чурапчы)
Алын кылаастарга:
2014c. аллараа саастаах уолаттарга:
🥇Павлов Айтал (Таатта — Ытык Күөл)
🥈Шахурдин Олег (Мэҥэ-Хаҥалас — Майа)2014с.
🥉Кривошапкин Сарыал (Чурапчы-Хатылы)
2014с. кыра саастаах кыргыттарга:
🥇Романова Амелия (Чурапчы — Хатылы)
🥈Сысолятина Виктория (Таатта-Ытык Күөл)
🥉Мурунова Сардаана (Таатта — Ытык Күөл)
Итини тэҥэ «Кыайыыга дьулуурун иһин» анал ааттар Хатылы оскуолатын үөрэнээччилэригэр
Попова Мичийэҕэ, Слепцов Михаилга, Мандарова Еленаҕа уонна «Кэскиллээх оонньооччу» аат Сандаара Павлуцкаяҕа иҥэрилиннэ
Бары кыайыылаахтарга Гаврил Аммосов иитиллээччилэрэ, үөрэнээччилэрэ, төрөппүт оҕолоро олохтообут боччум бириистэрэ туттарылынна. Нэһилиэк баһылыга Вячеслав Попов билиһиннэрбитинэн, кинилэр бириискэ анаан барыта 172тыһ солк. сууманы хомуйан көмөлөспүттэр. Итини тэҥэ уһуйаан, оскуола кэлэктииптэрэ анал бириистэри олохтообуттар. Онон баһылык успуонсардаабыт бары дьоҥҥо, тэрилтэлэргэ истиҥ махталын биллэрдэ. Кыттааччылар күрэхтэһии олус тэрээһиннээхтик ыытыллыбытын бэлиэтээтилэр. Өйү, толкуйу сытыылыыр, сатабылы, дьулууру эрэйэр остуол оонньуута үгэскэ кубулуйан сылын аайы ыытыллара былааннанар.
Анна Захарова.