Атыылаһааччы маҕаһыыҥҥа киирдэҕинэ, табаарга төһө да наадыйбытын иһин, туох-ханнык иннинэ онно үлэлиир дьоҥҥо болҕомтотун уурааччы.
Тоҕо диир эбит буоллахха, атыыһыттартан кини наадалааҕын булан, талан ылыыта улахан тутулуктаах. Дьоҥҥо тоҥуй, саҥаран-иҥэрэн биэрбэт атыыһыттан киһи ыйытыан, көрдөһүөн санаата кэлбэт.
Оттон эйэҕэс, истиҥ сыһыаннаах үлэһиттэргэ түбэстэххинэ, наадыйаргын толору ыйытан астына быһаартаран, ардыгар ылыа да суоххун атыылаһан тахсаҕын.
Биир ол оннук үчүгэй үлэһитинэн Дириҥнээҕи эргиэн тэрилтэтин бородууктаны атыылыыр маҕаһыынын атыыһыта Евдокия Герасимова буолара. Кинини атыылаһааччылар бука бары олус астыналлара, сөбүлүүллэрэ. Ол кистэлэҥэ биир этэ: Евдокия Николаевна кимиэхэ барытыгар истиҥник сыһыаннаһара, эйэҕэстик көмөлөһөрө.
Быыһык 70-с сыллар бүтүүлэригэр бу уопуттаах эргиэн үлэһитэ сибиэһэй фрукталары атыылаан олохтоохтору улаханнык үөрдэрэ.
Сэмэн ЖЕНДРИНСКЭЙ