Бу күннэргэ Москваҕа «Золотая осень-2023» XXV Арассыыйатааҕы агропромышленнай быыстапка буола турар. Бу дойду үрдүнэн тыһыынчанан киһи сылдьар биир саамай улахан тэрээһининэн билиниллэр.
Манна кыттааччыларга уонна ыалдьыттарга билим араас салааларыгар туох саҥа ситиһиилэр киирбиттэрин уонна ол олоххо хайдах туһанылларын көрдөрөллөр.
Быыстапкаҕа Саха сириттэн Тыа хаһаайыстыбатын министиэристибэтин састаабыгар киирсэн Чурапчы улууһуттан профессор Георгий Башарин аатынан Сылаҥ орто оскуолатын кэлэктиибэ кытта сылдьаллар. Оскуола үлэһиттэрэ быыстапкаҕа бэйэлэрин үлэлэрин туруордулар. Ол курдук, алтынньы 7 күнүнээҕи иһитиннэриинэн, оскуола кэлэктиибэ икки кыһыл көмүс мэтээли “Рассвет” уонна “Нуурал” диэн чэбдигирдэр чэйдэринэн ылары ситиспиттэр.
«Золотая осень-2023» XXV Арассыыйатааҕы быыстапка салҕанан барар, биһиги учуонайдарбыт, тыа сирин оскуолалара алтынньы 7 уонна 20 күннэригэр, өссө даҕаны атын бырайыактарынан мэтээллэри ылар кыахтаахтар диэн Арассыыйа Билимин академиятын Сибиирдээҕи салаатын Гуманитарнай чинчийии уонна аҕыйах ахсааннаах хотугу омуктар кыһалҕаларын үнүстүүтүн пресс-сулууспата иһитиннэрэр.
Сэмэн Жендринскэй