Ахсынньы саҕаланыаҕыттан дойду олохтоохторо 172 тыһыынча суругу Великай Устюг куорат резиденциятыгар аадырыстаан ыыттылар.
Тымныы Оҕонньорго аадырыстаммыт корреспонденцияҕа анаммыт 100-тэн тахсалыы дьааһыгы улахан куораттар почталарын отделениеларыгар туталлар.
“Биһиги почтабыт нөҥүө Чурапчы улууһуттан уон оҕо суруга утаарыллыбыта. Кинилэр боростуой почта дьааһыгар сырдык санаалаах суруктарын укпуттарын, биһиги отделениебыт үлэһиттэрэ сыа-сым курдук тутаннар туһааннаах сиргэ тиксэрбиттэрэ”, — диэн Чурапчытааҕы почта отделениетын начаалынньыга Светлана Сивцева иһитиннэрдэ.
Оҕолортон уонна улахан дьонтон суругу Тымныы Оҕонньор эрэ туппат, кини национальнай кэллиэгэлэрэ эмиэ ылаллар — Урал Моруос, Ямал Ири, Хел Мучи Чувашияҕа, Йушто Кугыза Марий Элга, Паккайне Карелияҕа, Кыш Бабай Татарстааҥҥа, Сагаан Убгэн Улан-Удэҕэ уонна Тол Бабай Удмуртияҕа.
Cэмэн Жендринскэй