Бэҕэһээ, балаҕан ыйын 10 күнүгэр, киэһэ 20:00 чааска өрөспүүбүлүкэ үрдүнэн, ол иһигэр Чурапчыбыт улууһугар баар бары быыбардыыр учаастактар сабылыннылар уонна куолас ааҕыытыгар киирдилэр. Куолаһы тохтобула суох түүнү быһа түмүк тахсыар диэри аахтылар.
Быыбар учаастактара куоластааһын түмүгүн туһунан дааннайдар боротокуолларын ГАС «Выборы» уктулар, быыбар барыллаан түмүгүн туһунан иһитиннэриини СӨ Киин быыбардыыр учаастагын саайтыгар уонна телеграм-ханаалыгар таһаардылар.
Чурапчы улууһугар түмүк хайдаҕый?
Чурапчы улууһун олохтоохторо өрөспүүбүлүкэбит Ил Дарханынан Айсен Сергеевич Николаевы талыллар — 7947 (88,91%) киһи куоластаата. Виктор Губарев – 479 (5,36%), Игорь Борисов – 298 (3,33%), Гаврил Парахин – 96 (1,07%).
СӨ Ил Түмэнин дьокутаатынан “Биир ньыгыл Арассыыйаттан” – Дмитрий Николаевич Поисеев талылынна – 6228 (61,47%), Николай Попов – 18,78%, Николай Сыромятников – 11,58%, Илья Николаев – 708 (6,92%).
Баартыйаларга баһыйар үгүс куолаһы ылан – “Биир ньыгыл Арассыыйа” инники күөҥҥэ таҕыста – 6002 (67,15%), “КПРФ” – 1245 (13,93%), “Новые люди” – 1001 (11,20%), “Справедливая Россия За Правду” – 492 (5,50%), “ЛДПР” – 84 (0,94%), “Родина” – 25 (0,28%).
Улуус мунньаҕын дьокутааттарынан:
- Алаҕар, Бахсы нэһилиэктэрин мандаатыгар – баһыйар үгүс куолаһы “Биир ньыгыл Арассыыйа” баартыйаттан Спартак Васильевич Пахомов ылла 88,89%, Анатолий Анатольевич Мандаров (бэйэ туруорунуута) – 10,26% ;
- Мугудай, Төлөй нэһилиэктэрин мандаатыгар — “Биир ньыгыл Арассыыйа” баартыйаттан Дмитрий Егорович Захаров кыайда – 80,99%, Афанасий Петрович Максимов (бэйэ туруорунуута) – 17,76%;
- Хайахсыт, Чакыр нэһилиэктэрин мандаатыгар – Татьяна Васильевна Адамова (бэйэ туруорунуута) – 32,15%, “Биир ньыгыл Арассыыйа” баартыйаттан Егор Егорович Анемподистов дьокутаатынан талылынна – 67,65% ;
- Сылаҥ нэһилиэгин мандаатыгар — “Биир ньыгыл Арассыыйа” баартыйаттан Василий Николаевич Платонов – 84,12%;
- Кытаанах, Арыылаах нэһилиэктэрин мандаатыгар – Дмитрий Иванович Попов (бэйэ туруорунуута) – 65,34%, “Биир ньыгыл Арассыыйа” баартыйаттан Владислав Романович Скрябин – 34,39%;
- Болугур нэһилиэгин мандаатыгар — “Биир ньыгыл Арассыыйа” баартыйаттан Данил Данилович Павлов – 91,04%, Эрэл Васильевич Аммосов (бэйэ туруорунуута) – 8,72%;
- Соловьев, Болтоҥо нэһилиэктэрин мандаатыгар — “Биир ньыгыл Арассыыйа” баартыйаттан Семен Иванович Собакин – 85,56%, Айсен Петрович Толстоухов (бэйэ туруорунуута) – 12,74%;
- Хоптоҕо, Хадаар нэһилиэктэрин мандаатыгар — “Биир ньыгыл Арассыыйа” баартыйаттан Иннокентий Иннокентьевич Готовцев – 45,23%, “Биир ньыгыл Арассыыйа” баартыйаттан Борис Петрович Архипов – 48,58%, Николай Иннокентьевич Давыдов (бэйэ туруорунуута) – 5,15%;
- Одьулуун, Хатылы нэһилиэктэрин мандаатыгар — “Биир ньыгыл Арассыыйа” баартыйаттан Ульяна Николаевна Атласова – 46,59%, “Биир ньыгыл Арассыыйа” баартыйаттан Антон Алексеевич Аржаков – 43,41%, Николай Николаевич Макаров (бэйэ туруорунуута) – 2,20%, Михаил Иванович Данилов (бэйэ туруорунуута) – 7,44%.
ЧУРАПЧЫ НЭҺИЛИЭГЭР
- Новгородовскай-Киин түөлбэ мандаатыгар — “Биир ньыгыл Арассыыйа” баартыйаттан Яков Павлович Оконешников – 62,49%, “Биир ньыгыл Арассыыйа” баартыйаттан Николай Николаевич Попов – 14,64%, Сергей Николаевич Атласов (бэйэ туруорунуута) – 18,59%, “Биир ньыгыл Арассыыйа” баартыйаттан Айал Иванович Чичигинаров – 2,57%;
- Куоҕалы түөлбэ мандаатыгар — “Биир ньыгыл Арассыыйа” баартыйаттан Юрий Павлович Посельскай – 32,14%, “Биир ньыгыл Арассыыйа” баартыйаттан Алексей Гаврильевич Егоров – 58,30%, “КПРФ” баартыйаттан Мария Романовна Митина – 8,84%;
- Маарыкчаан-Чараҥ түөлбэ мандаатыгар – Иннокентий Николаевич Архипов (бэйэ туруорунуута) – 21,41%, Афанасий Афанасьевич Захаров (бэйэ туруорунуута) – 9,38%, Ольга Петровна Монастырева (бэйэ туруорунуута) – 6,16%, “Биир ньыгыл Арассыыйа” баартыйаттан Сергей Серафимович Новгородов – 18,08%, “Биир ньыгыл Арассыыйа” баартыйаттан Екатерина Семеновна Иванова – 30,21%, “Биир ньыгыл Арассыыйа” баартыйаттан Александр Валерьянович Дьяконов – 9,51%, “КПРФ” баартыйаттан Алексей Петрович Соловьев – 3,88%.
Быйылгы хас даҕаны күннээх быыбарга улууспут олохтоохторо, өрөспүүбүлүкэбит Ил Дарханын, Ил Түмэн итиэннэ улууспут мунньаҕын дьокутааттарын таллылар. Онтон Төлөй уонна Арыылаах нэһилиэгин олохтоохторугар баһылыктарын талан бөһүөлэктэрин инники дьылҕатын түстээтилэр.
ТӨЛӨЙ НЭҺИЛИЭГЭ
Төлөйгө бэрт хатыһылаах киирсии кэнниттэн Игорь Владимирович Николаев – бэйэ туруорунуута, 1984 сыллааҕы төрүөх, төрөөбүт сирэ Бүлүү куората, үрдүк үөрэхтээх. Төлөй нэһилиэгин баһылыгын дуоһунаһыгар оннунан хаалла – 360 быырдааччыттан 160 (55,56%) куолаһы ылла.
Максим Викторович Смирников — “Биир ньыгыл Арассыыйа” баартыйаттан, 1982 сыллааҕы төрүөх, төрөөбүт сирэ Чурапчы улууһун Төлөй нэһилиэгэ, орто үөрэхтээх. Алексей Бродников аатынан Төлөйдөөҕү “Аартык” НАДь-тин дириэктэрэ – 122 (42,36%).
Артур Рамзанович Захаров — бэйэ туруорунуута, 1983 сыллааҕы төрүөх, төрөөбүт сирэ Чурапчы нэһилиэгэ, үрдүк үөрэхтээх. Төлөй орто оскуолатын оҥорон таһаарыы үөрэҕин маастара – 2 (0,69%).
Владимир Иванович Еремеев — бэйэ туруорунуута, 1978 сыллааҕы төрүөх, төрөөбүт сирэ Дьокуускай куорат, үрдүк үөрэхтээх, билиҥҥи кэмҥэ үлэтэ суох – 0 (0,00%).
АРЫЫЛААХ НЭҺИЛИЭГЭ
Нэһилиэк баһылыгынан Антон Андреевич Янцены – “Биир ньыгыл Арассыыйа” баартыйаттан, 1992 сыллааҕы төрүөх, төрөөбүт сирэ Чурапчы улууһун Арыылаах нэһилиэгэ, орто үөрэхтээх уолу таллылар – 253 быыбардааччыттан 142 куолаһы хомуйда (78,02%).
Николай Николаевич Собакин-Степанов – 1987 сыллааҕы төрүөх, төрөөбүт сирэ Булуҥ улууһун Тикси бөһүөлэгэ, үрдүк үөрэхтээх. “Булуҥ” СППК бэрэссэдээтэлин солбуйааччы – 19,23%.
Сэмэн Жендринскэй