Чурапчыга Ыччат киинэ «Лидер оскуолатын» үлэлэтэр

«Лидер оскуолатыгар» 5-с кылаастан үөһэ оҕолор сылдьаллар. Иккис смена от ыйын 17 күнүттэн саҕаланыа, онно нобуор буола турарын этэллэр.

Оҕолор бырайыагы суруйарга, кытай тылыгар үөрэнэллэр. Ону таһынан СӨ Ил Дархан дьаһалтатын, Ыччат министиэристибэтин, АйТи паарка үлэһиттэрин, «Азия оҕолоро» волонтердарын уонна улуус баһылыгын кытта көрсүөхтэрэ, о.д.а. хайысхалаах бэйэни сайыннарыыга туһуламмыт дьарыктар ыытыллаллар.

«Чурапчы улууһа лидердэри иитэн таһаарар биһигинэн буолар. Ол холобурун биһиэхэ Бастакы Ил Дархан Егор Афанасьевич Борисов  биэрэр», — диэн оскуола иитиллээччилэрэ этэллэр.

Бүгүн «Саҥа олох» үлэһиттэрэ оҕолорго аныгы кэм суруналыыһа, блогера  хайдах буолуохтааҕын, социальнай ситимнэргэ болҕомтону хайдах тардарга үөрэттилэр.

Елена Макаринская