Бүгүн о.э. ахсынньы 3 күнүгэр, Афанасий Софронов аатынан успуорт уораҕайыгар Чурапчы улууһун үөрэҕин управлениетын өйөбүлүнэн, “Туллукчаан” уһуйаан көҕүлээһинэн, оскуолаҕа киириэн иннинээҕи саастаах уолаттарга “Тамаллаайы Бэргэн” диэн улуустааҕы күрэхтэһии VI-с төгүлүн ыытылынна.
Устуоруйа быыһын кыратык сэгэтэн көрөр эбит буоллахха: “Аан маҥнайгы “Тамаллаай Бэргэн” диэн күрэҕи 2006 сыллаахха бэйэбит уһуйааммыт иһинэн тэрийэн Михаил Сивцев, Татьяна Ефремова буолан ыыппыппыт. Онтон 2016 сылтан саҕалаан улуус таһымыгар тахсан тэриллэр. “Тамаллаайы Бэргэн диэн кимий?” – диир эбит буоллаххытына, уһуйааммыт үлэтэ саха халандаарын эргииригэр сөп түбэһиннэрэн былааннанар. Ол онон көрдөххө хас биирдии ыйбыт барыта туспа бэйэтэ суолталаах, бухаатыырдардаах, оттоох-мастаах, астаах-үөллээх – ити сибээһинэн ыйтан ыйга баран иһэбит. Оттон сэтинньи – Байанай ыйыгар Тамаллаайы Бэргэн бухатыырдаахпыт. Ол иһин биһиги бу уолаттарбытын булчут-алчыт, күүстээх-уохтаах, кыраҕы харахтаах буолуохтаахтар диэммит итинник хабааннаах күрэҕи тэрийбиппит.Бу күрэхтэһиилэр оҕолорбут өбүгэлэрин үгэстэрин үөрэтиилэригэр, сөргүтэллэригэр уонна өбүгэлэрбит сымса, бөҕө эттэрин-хааннарын кыра саастарыттан илдьэ сырыттыннар”, — диэн күрэхтэһиини биир сүрүн төрүттэһээччи, өр сылларга үрдүкү баспытааталынан үлэлээн билигин тьютордыыр Анна Николаевна Макарова кэпсээтэ.
Күрэхтэһии эппиккэ диэри, “Тоҕус томтор”, “Кыдаала оонньууларыттан” туох даҕаны итэҕэһэ суох тыҥааһыннаахтык барда. Барыта холбоон 18 кыттааччы, улууспут инникигэ эрэнэр ыспарсымыаннара кыттыыны ыллылар.
Ол курдук Чурапчы нэһилиэгин “Березка” уһуйааныттан Алик Адамов (үрдүгэ 127 см, ыйааһына 27 киилэ), Чурапчы нэһилиэгин “Туллукчаан” уһуйааныттан Айхал Больницкий (үрдүгэ 121 см, ыйааһына 29 киилэ), Чурапчы нэһилиэгин “Кэскил” уһуйааныттан Богдан Гуляев (үрдүгэ 118 см, ыйааһына 25 киилэ), Төлөй нэһилиэгин “Кустук” уһуйааныттан Эрчим Дагданча (үрдүгэ 121 см, ыйааһына 22 киилэ), Чурапчы нэһилиэгин “Чуораанчык” уһуйааныттан Дьулус Иванов (үрдүгэ 122 см, ыйааһына 22 киилэ), Хатылы нэһилиэгин “Ньургуһун” уһуйааныттан Эрчим Кривошапкин (үрдүгэ 115 см, ыйааһына 22 киилэ), Чурапчы нэһилиэгин “Кэскил” уһуйааныттан Александр Макаров (үрдүгэ 119 см, ыйааһына 27 киилэ), Чурапчы нэһилиэгин “Мичил” уһуйааныттан Айсен Неустроев (үрдүгэ 119 см, ыйааһына 24 киилэ), Болугур нэһилиэгин “Ымыы” уһуйааныттан Айхал Ноев (үрдүгэ 128 см, ыйааһына 38 киилэ), Хоптоҕо нэһилиэгиттэн “Ыллык” уһуйааныттан Долун Посельскай (үрдүгэ 118 см, ыйааһына 24 киилэ), Алаҕар нэһилиэгин “Алгыс” уһуйааныттан Петя Протодьяконов (үрдүгэ 118 см, ыйааһына 25 киилэ), Чурапчы нэһилиэгин “Кыталык” уһуйааныттан Давид Пудов (үрдүгэ 120 см, ыйааһына 22 киилэ), Чурапчы нэһилиэгин “Туллукчаан” уһуйааныттан Айсаан Салгынов (үрдүгэ 121 см, ыйааһына 22 киилэ), Сылаҥ нэһилиэгин “Сулусчаан” уһуйааныттан Григорий Семенов (үрдүгэ 121 см, ыйааһына 25 киилэ), Чурапчы нэһилиэгин “Улыбка” уһуйааныттан Айтал Слепцов (үрдүгэ 122 см, ыйааһына 25 киилэ), Хадаар нэһилиэгин “Мичил” уһуйааныттан Ярослав Спиридонов (үрдүгэ 127 см, ыйааһына 31 киилэ), Хайахсыт орто уһуйаан-оскуолатыттан Алгыс Тимофеев (үрдүгэ 122 см, ыйааһына 23 киилэ), Чурапчы нэһилиэгин “Улыбка” уһуйааныттан Арчын Трофимов (үрдүгэ 120 см, ыйааһына 25 киилэ).
“Туллукчаан” уһуйаан (сэбиэдиссэй Альбина Варламова) бүтүн кэллэктиибэ олус кыһаллан туран барытын тэрийдэ.
Оонньуу үөрүүлээх арыллыытыгар улуус үөрэҕин управлениетын сүрүннүүр исписэлииһэ Маргарита Оконешникова,
Афанасий Софронов аатынан успуорт уораҕайын дириэктэрэ Михаил Степанов,
“Туллукчаан” уһуйаан сэбиэдиссэйэ Альбина Варламова кыттааччылары уонна салайааччылары эҕэрдэлээтилэр.
“Таммалаайы бэргэн-2024” барыта холбоон 6 түһүмэҕинэн ыытылынна: “Бэйэни билиһиннэрии”, “Ойбону алларыы”: 1 миэстэ – Григорий Семенов (Сылаҥ), 2 миэстэ – Эрчим Дагданча (Төлөй), 3 миэстэ – Айсен Неустроев (Чурапчы); “Үстэ төхтөрүйэн ыстаныы”: 1 миэстэ – Дьулус Иванов (Чурапчы), 2 миэстэ – Эрчим Дагданча (Төлөй), 3 миэстэ – Григорий Семенов (Сылаҥ); “Күөгүлээһин”: 1 миэстэ – Давил Пудов (Чурапчы), 2 миэстэ – Айсаан Салгынов (Чурапчы), 3 миэстэ – Алик Адамов (Чурапчы); “Далла мэндэйии”: 1 миэстэ – Айсен Неустроев (Чурапчы), 2 миэстэ – Айхал Ноев (Болугур), 3 миэстэ – Алик Адамов (Чурапчы) уонна “Мүһэ былдьаһыыта”: 1 миэстэ – Ярослав Спиридонов (Хадаар), 2 миэстэ – Александр Макаров (Чурапчы), 3 миэстэ – Арчын Трофимов (Чурапчы).
Уопсай түмүккэ: “Тамаллаайы Бэргэн-2024” муҥутуур кыайыылааҕынан Сылаҥ нэһилиэгин “Сулусчаан” уһуйаан иитиллээччитэ Григорий Семенов ааттанна киниэхэ кубок уонна мүһэ туттарылынна, иккис миэстэҕэ Чурапчы нэһилиэгин “Кэскил” уһуйаан иитиллээччитэ Александр Макаров оттон үһүс бочуоттаах миэстэҕэ Чурапчы нэһилиэгин “Туллукчаан” уһуйаанын иитиллээччитэ Айсан Салгынов тигистилэр.
Сэмэн ЖЕНДРИНСКЭЙ. Ааптар хаартыскаҕа түһэриитэ