Чурапчыга саҥа реанимобиль бэрилиннэ

Алтынньы 14 күнүгэр өрөспүүбүлүкэбит улуустарыгар  саҥа реанимобиль массыына күлүүстэрэ туттарыллыбыттара, ол иһигэр Чурапчы улууһун киин балыыһатын бас билиитигэр эмиэ бэрилиннэ.  Дойдубут бэрэсидьиэнэ Владимир Путин доруобуйа харыстабылын бастакы сүһүөҕүн сайыннарыы мэдиссиинэ көмөтүн хаачыстыбатын уонна бары араҥаны, ыраах сытар улуустары хабар кыаҕы үөскэтэрин тоһоҕолоон турардаах.  Бу этиилэргэ Сахабыт сирин салалтата улахан болҕомтотун ууран, Ил Дархаммыт сөптөөх быһаарыныылары ылынан үгүс оройуоннарга тустаах тиэхиникэ, оборудование көрүллэн, саҥа балыыһалар тутулланнар доруобуйа харыстабылын эйгэтэ кэккэ сылларга биллэрдик сайынна, тубуста.

Наталья Сибирякова