Ыаллыы сытар, үйэ чиэппэриттэн ордук кэм устата доҕордуу Чурапчы уонна Таатта улууһун уопсастыбанньык дьахталлара бэҕэһээ о.э муус устар 12 күнүгэр Чурапчы нэһилиэгин “УТУМ” дьиэтигэр истиҥ көрсүһүүнү тэрийдилэр.
Көрсүһүү биир сүрүн сыалынан — бөлөҕүнэн сахалыы таҥаска сүбэлэр буоллалар. Чурапчы дьахталлара бу хайысханы урут-уруккаттан таба туһанан, улууспут бары уопсастыбаннай түмсүүлэрэ биир тэҥ сиэдэрэй таҥастаахтарын, өрөпүүбүлүкэбит Далбар Хотуттара үгүстүк бэлиэтээн турардаахтар.
Манан сиэттэрэн Таатта улууһун саҥа талыллыбыт дьахталларын Сүбэтэ бастакы уопуттарын ылааһыннара Чурапчы улууһугар буолла.
Чурапчыбыт улууһуттан араас сылларга дьахтар Сүбэтин салайсыбыт убаастанар бэрэссэдээтэллэр: Светлана Даниловна Васильева, Екатерина Семеновна Иванова, Александра Васильевна Седалищева уонна билиҥҥи састаап бэрэссэдээтэлинэн үлэлиир Анастасия Ивановна Афанасьева уопсастыбанньык кэллиэгэлэрин түмэннэр олус үчүгэй көрсүһүүнү тэрийдилэр. Манна даҕатан эттэххэ, өрөспүүбүлүкэтээҕи дьахталлар съезтэрин делегаттарын “Дархаана” түмсүү салайааччыта Алла Иннокентьевна Сивцева уонна улууспут киэн туттар маастара, талба талааннаах Татьяна Николаевна Карсанаева, салайааччы дьахталлар түмсүүлэриттэн сахалыы таҥаска биир бастыҥ маастарбыт, ураты дьоҕурдаах Надежда Прокопьевна Ахматова “Силик” иистэнньэҥнэр бөлөхтөрүн чилиэттэринээн, “Чурапчыына” Чурапчы нэһилиэгин дьахталларын түмсүүтүн бэрэссэдээтэлэ Дария Савельевна Ефремова уонна анал байыаннай дьайыы кыттыылаахтарын кэргэттэрин, Ийэлэрин түмсүүтүн салайааччыта Наталья Николаевна Федорова уонна Сахалена Валерьевна Барашкова, улууспут салалтатыттан уопсастыбанньыктар куратордара Татьяна Петровна Бушкова кыттыыны ыллылар.
Көрсүһүү олус дирин ис хоһонноохтук ааста, сахалыы таҥаска санааларын атастастылар, уопсастыбанньыктар систиэмэлээхз үлэлэрэ, тус уопуттарын уонна инники былааннарын торумнастылар.
Сэмэн Жендринскэй