Чурапчы улууһун олохтоохторо халаан уутуттан эмсэҕэлээбиттэргэ көмөлөрүн ыыттылар

 

Нам улууһугар халаан уутуттан эмсэҕэлээбиттэргэ Чурапчы улууһун олохтоохторо , урбаанньыттар, тэрилтэлэр туора турбакка,  гуманитарнай уонна харчынан көмөнү көхтөөхтүк аҕаллылар. Көмөнү «Чурапчыына” дьахтар түмсүүтэ сүрүннээн, уопсайа 2 мөл 800 тыһ солк суумалаах көмө бүгүн Дьокуускайга айаннаата.

“Норуот күүһэ-көмүөл күүһэ диэн этэллэр. Биһиги биир дойдулаахтарбыт хаһан даҕаны олох очурдарыгар түбэспиттэртэн туора турбакка, өрүү көмөлөһөллөр. Бу да сырыыга үтүө сүрэхтээх биирдиилээн дьонтон саҕалаан, урбаанньыттарга тиийэ малынан-салынан, үбүнэн көмө киирдэ.

Урбаанньыттартан Федор Старостин, А. Данилова, А. Кардашевскай, М. Поисеева, В. Семенов, Н. Сатыбалдиева, Г. Дьяконова, Чакыртан В. Егорова, “ПД-Инжиниринг” ХЭТ А. Кузьмин, “Олук” маҕаһыын Н. Попов, “Детский мир” В. Пестерев, “Ирина” маҕаһыын Р. Седалищев, “Рассвет” маҕаһыын Е.Санжеева, “Кэнчээри” маҕаһыын Л. Саввина, “Ситим” маҕаһыын З. Сивцева, “Чэчир” маҕаһыын Л. Неустроев, “Күбэйэ” маҕаһыын Н. Седалищева, “Ричхолл” банкетнай саала М. Старостина, “Харысхан” миэбэл салона Белолюбскай, “Үрдэл” маҕаһыын М. Ефремова, “Афанасий” маҕаһыын А. Данилов, “Эгэлгэ” маҕаһыын Э. Таныков, “Сардаана” маҕаһыын К. Сергеев, “Алар” маҕаһыын А. Каженкин, “Азия” маҕаһыын А. Новгородова, “Далбар” маҕаһыын, “Илин” маҕаһыын Р. Коркина, “Уйгу” маҕаһыын, ыраах айан суоппардара, “Дархаана” сообщество,  тэрилтэлэртэн “Дьулуур” ХЭТ, Чурапчытааҕы УПК, Кииннэммит бухгалтерия,   пенсионнай фонда, ветеринария, улуустааҕы үп управлениета, хонтуруоллуур-суоттуур палата, “Октябрьскай” атыы-эргиэн киинэ, улуус дьаһалтата, ЧГИФКСИ, нэһилиэктэр, улуус оскуолалара, уһуйааннара ис сүрэхтэриттэн көмөлөрүн утары ууннулар», — диэн улуус дьаһалтата иһитиннэрэр.

Бу  курдук үтүө дьонноохпутунан киэн туттабыт, махтанабыт.

Елена Макаринская