Чурапчы улууһун баһылыга үөрэх бастыҥнарын наҕараадалаата (Фоторепортаж)

Чурапчы улууһун үөрэҕин управлениета иһитиннэрбитинэн 2024-2025 үөрэх дьылыгар уопсай үөрэхтээһининэн 3975 оҕо хабыллар.  Үөрэх хаачыстыбатын сүрүн көрдөрүүтүнэн сыллааҕы үөрэҕи ситиһии, түмүктүүр судаарыстыбаннай аттестация буолаллар. Ааспыт үөрэх дьылыгар үөрэҕи билии 100%-ҥа, хаачыстыба 63%-ҥа тэҥнэспитэ. Оскуоланы 225 оҕо түмүктээбититтэн БКЭ-ни 188, ГВЭ-ни 7 оҕо туттарбыттара. Элбэх оҕо обществознание (40), биология (27), химия (25) предметтэрин таллылар. Былырыыҥҥы сылы кытта тэҥнээтэххэ БКЭ түмүгүнэн 12 предметтэн 6-гар орто баал уонна экзамены туттарыы бырыһыана  тубуста.

“Үөрэххэ уһулуччу ситиһиилэрин иһин” мэтээл 1 степенин 4 оҕо, 2 степенин 15 оҕо  ылары ситистилэр.183 выпускник үөрэххэ киирэн, уопсай үөрэххэ киирии  98% тэҥнэстэ. Үрдүк үөрэххэ – 70 оҕо (37%) киирдэ, ол иһигэр 11 оҕо республика тас үрдүк үөрэҕин кыһаларыгар, онтон  5 – тас дойдуларга (Кытайга, Казахстаҥҥа) киирдилэр. Үрдүк үөрэххэ киирии былырыыҥҥы көрдөрүүттэн 1% үрдээтэ.

“Инникигэ хардыы” научнай-практичекай конференцияҕа үһүс сылын улуус хамаандата өрөспүүбүлүкэҕэ бастыыры ситистэ. Арассыыйа таһымыгар 25 эдэр чинчийээччи ситиһиилээхтик кытынна.

Арассыыйатааҕы үөрэнээччилэр олимпиадаларын өрөспүүбүлүкэтээҕи түһүмэҕэр 15 предмеккэ 62 кыттааччы ыҥырыллан, 4 оҕо кыайыылаах уонна 15 оҕо призер буоллуллар. Оскуола түһүмэҕэр элбэх оҕону хабан, бэлэмнэнии үлэтин тупсаран, өрөспүүбүлүкэ, Дойду таһымыгар көрдөрүүнү үрдэтэргэ сорук турар. Үөрэххэ киириигэ олимпиадаҕа ситиһиилээхтэр эбии  баалы сылын аайы ылаллар.

Үөһээ Бүлүү улууһугар “Эдэр профессионаллар” эрэгийиэннээҕи күрэхтэригэр “Быыһыыр-өрүһүйэр үлэлэр” салааҕа, Чурапчы гимназиятын үөрэнээччилэрэ Сергей Абрамов салалтатынан кыһыл көмүс мэтээли ылан Владивосток куоракка өрөспүүбүлүкэ чиэһин көмүскээтилэр.

Өрөспүүбүлүкэ чөмпүйэнээттэригнэр Сылаҥ орто оскуолатын оҕолоро Антон Сивцев “Лабораторный медицинский анализ”, Миша Слепцов “Социальный и медицинский уход”, Валерия Макарова “Эстетическая косметология” хайысхаларга кыһыл көмүс мэтээли ыллылар.

Сэтинньи ыйга улахан кылаас оҕолоругар ыытыллыбыт Арассыыйатааҕы агрогенетикаҕа “Иннагрика” олимпиадатын полуфиналын кыайыылааҕынан Сылаҥ орто оскуолатын үөрэнээччилэрэ ааттаннылар. Олимпиада Уһук Илин федеральнай уокурук Владивосток куоратыгар ыытылынна. Ким Ширяев «Агрохимия», Луиза Неустроева «Агрогенетика» хайысхаларга кыайыылааҕынан ааттаннылар.

Уһуйаантан саҕалаан оҕо төрөөбүт дойдутун таптыырыгар, айылҕатын харыстыырыгар, норуот үгэстэрин тутуһан сайдарыгар дьоһун хардыы оҥоһулунна. «Боотур Уус сыдьааннара» иитии бырагырааммата 2023 сыл тохсунньу ыйыттан киирэн, үс хайысханан үлэ барар.

“Үөрүү” киин 6 хайысхаҕа, Чурапчытааҕы үөрэтэр-оҥорон таһаарар комбинат 2 идэҕэ, Оҕо ыспартыыбынай оскуолата 12 көрүҥҥэ үүнэр көлүөнэни дьарыктаан дьоҕурун сайыннарар, этин-хаанын эрчийэр. Дириҥ агрошколатын Бизнес-инкубатора 9 идэҕэ, Семен Новгородов аатынан Чурапчы орто оскуолата 3 идэҕэ сибидиэтэлистибэ туттардылар.

Байыаннай-патриотическай иитиигэ, эти-хааны эрчийиигэ улахан болҕомто ууруллан кэллэ. Өрспүүбүлүкэтээҕи «Снежный барс» күрэххэ төрдүс төгүлүн, өрөспүүбүлүкэтээҕи «Юнармия» күрэҕэр бастаатыбыт, Москваҕа байыаннай-патриотическай күрэххэ, чинчийэр-көрдүүр үлэҕэ оҕолорбут ситиһиилээхтик кытыннылар, Новгород-Старая Русса-Ильмень күөл хайысханан “Эһэлэрбит хорсун суолларынан” экскурсия иккис сылын оҕолору түмтэ. Оскуолаларга барыларыгар мусуой хосторо тэриллэн төрөөбүт дойду устуоруйатын үөрэтиигэ тирэх буолаллар.

Улууспут оҕолоро сайын устата араас лааҕырдарга дуоһуйа сынньаннылар, сайыннылар, дьиэ кэргэннэригэр көмө-тирэх буоллулар. Барыта реестр-га киирбит 24 лааҕыр үлэлээтэ, 1155 оҕо хабылынна.  Оҕо сайыҥҥы сынньалаҥын тэрийиигэ улуус салалтата эбии үп көрөн улахан көмөнү оҥорор. 117 анал байыаннай дьайыы кыттыылаахтарын оҕолоруттан сайын устата 43 оҕо өрөспүүбүлүкэ уонна Сахабыт сирин тас өттүгэр баар араас лааҕырдарга босхо сынньанан кэллилэр. “Кустук” лааҕырга иккис сылын тутууга уонна өрөмүөҥҥэ улуустан үп көрүлүннэ. Оскуолалар бэйэлэрин күүстэринэн сайыҥҥы сынньалаҥы тэрийиигэ ылыстылар.

Эдэр ыспарсымыаннар сайыҥҥы күрэхтэргэ ситиһиилээхтик кытыннылар. «Спортивные якутяне» үөрэнээччилэр ыспартакыйаадаларыгар 90 оҕо кыттан 2-кис бөлөххө улуус хамаандата кыайыылааҕынан ааттанна. Саха сиригэр ыытыллыбыт 8-сыс «Азия оҕолоро» оонньууга 33 оҕо күрэхтэстэ, 43 оҕо култуурунай бырагырааммаҕа кытынна. Чурапчы успуорт туоната буоларын оҕолорбут бигэргэттилэр.

Бүгүҥҥү үөрүүлээх дьаһалга “Чурапчы улууһа” МО баһылыга Степан Саргыдаев, улуус баһылыгын социальнай боппуруостарга солбуйааччы Мария Кронникова, улуус үөрэҕин управлениетын начаалынньыга Юрий Посельскай кыттыыны ыллылар.

2024 сыл түмүгүнэн бастыҥ үөрэнээччилэр

  • Гавриил Протодьяконов аатынан Алаҕар орто оскуолатын 11 кылааһын үөрэнээччитэ Иван Слепцов – үөрэх туйгуна;
  • Степан Макаров аатынан Чурапчы гимназиятын 11 кылааһын үөрэнээччитэ Анна Захарова – үөрэх туйгуна.

Бастыҥ үөрэнээччилэр

  • Семен Яковлев-Эрилик Эристиин аатынан Чакыр орто оскуолатын үчүгэй үөрэхтээх 9 кылааһын үөрэнээччитэ – Яна Алексеева;
  • Одьулуун орто оскуолатын туйгун үөрэхтээх 11 кылааһын үөрэнээччитэ – Туйгууна Григорьева;
  • Семен Новгородов аатынан Чурапчы орто оскуолатын туйгун үөрэхтээх 11 кылааһын үөрэнээччитэ – Семен Егоров;
  • Тихон Каженкин аатынан Арыылаах орто оскуолатын 9 кылааһын үөрэнээччитэ – Альберт Иванов;
  • Дмитрий Коркин аатынан Чурапчытааҕы оҕо ыспартыыбынай интэринээт-оскуола туйгун үөрэхтээх 11 кылааһын үөрэнээччитэ – Кристина Катакинова;
  • Иван Павлов аатынан Чурапчы орто оскуолатын 10 кылааһын үөрэнээччитэ – Эрсан Макаров;
  • Степан Макаров аатынан Чурапчы гимназиятын туйгун үөрэхтээх 11 кылааһын үөрэнээччитэ – Юлиана Саввина;
  • Николай Субуруускай аатынан Болтоҥо орто оскуолатын туйгун үөрэхтээх 11 кылааһын үөрэнээччитэ – Наталья Слепцова;
  • Георгий Башарин аатынан Сылаҥ орто оскуолатын туйгун үөрэхтээх 9 кылааһын үөрэнээччитэ Вероника Трофимова;
  • Төлөй орто оскуолатын 11 кылааһын үөрэнээччитэ – Виолетта Смирникова.

Бастыҥ уопсастыбанньык

  • Афанасий Илларионов аатынан Хайахсыт орто оскуолатын 11 кылааһын үөрэнээччитэ – Николай Бандеров;
  • Даниил Барашков аатынан Бахсы орто оскуолатын 9 кылааһын үөрэнээччитэ – Игнат Владимиров;
  • Василий Яковлев-Далан аатынан Кытаанах орто оскуолатын 11 кылааһын үөрэнээччитэ – Виталий Гоголев;
  • Дмитрий Красильников аатынан Мугудай орто оскуолатын 11 кылааһын үөрэнээччитэ – Сандал Дьячковскай;
  • Василий Соловьев-Болот Боотур аатынан Хатылы орто оскуолатын 10 кылааһын үөрэнээччитэ – Дуолан Павлуцкай;
  • Роман Константинов аатынан Амма орто оскуолатын 10 кылааһын үөрэнээччитэ — Юлия Протодьяконова;
  • Георгий Башарин аатынан Сылаҥ орто оскуолатын 11 кылааһын үөрэнээччитэ – Антон Сивцев;
  • Семен Новгородов аатынан Чурапчы орто оскуолатын 9 кылааһын үөрэнээччитэ – Кэскилээнэ Сивцева;
  • Семен Флегонтов аатынан Хадаар орто оскуолатын 11 кылааһын үөрэнээччитэ – Максим Собакин;
  • Иван Федосеев-Доосо аатынан Дириҥ орто агрооскуолатын 11 кылааһын үөрэнээччитэ – Айсен Хоютанов.

Бастыҥ ыспарсымыан

  • Степан Макаров аатынан Чурапчы гимназиятын 11 кылааһын үөрэнээччитэ – Олег Макаров;
  • Иван Федосеев-Доосо аатынан Дириҥ орто агрооскуолатын 10 кылааһын үөрэнээччитэ – Альмира Макарцова;
  • Петр Васильев аатынан Соловьев орто оскуолатын 9 кылааһын үөрэнээччитэ – Марк Никитин;
  • Дмитрий Коркин аатынан Чурапчытааҕы оҕо ыспартыыбынай интэринээт-оскуола 11 кылааһын үөрэнээччитэ – Никифор Семенов;
  • Василий Соловьев-Болот Боотур аатынан Хатылы орто оскуолатын 11 кылааһын үөрэнээччитэ – Арсен Аржаков;
  • Гавриил Протодьяконов аатынан Алаҕар орто оскуолатын 10 кылааһын үөрэнээччитэ – Лилияна Баишева;
  • Дмитрий Коркин аатынан Чурапчытааҕы оҕо ыспартыыбынай интэринээт-оскуола 11 кылааһын үөрэнээччитэ – Андрей Баранкевич;
  • Семен Флегонтов аатынан Хадаар орто оскуолатын 9 кылааһын үөрэнээччитэ – Айтал Григорьев;
  • Дмитрий Коркин аатынан Чурапчытааҕы оҕо ыспартыыбынай интэринээт-оскуола 11 кылааһын үөрэнээччитэ – Ангелина Седалищева;
  • Дмитрий Коркин аатынан Чурапчытааҕы оҕо ыспартыыбынай интэринээт-оскуола 11 кылааһын үөрэнээччитэ –Алена Чорду.

“Билинии” номинация

  • Степан Макаров аатынан Чурапчы гимназиятын үөрэххэ туйгун 10 кылааһын үөрэнээччитэ – Кристина Неустроева;
  • Степан Макаров аатынан Чурапчы гимназиятын үөрэххэ туйгун 10 кылааһын үөрэнээччитэ – Нарыйа Макарова;
  • Одьулуун орто оскуолатын үөрэххэ туйгун 10 кылааһын үөрэнээччитэ – Кэскил Крапов.

“Айар үлэ” номинация

  • Степан Макаров аатынан Чурапчы гимназиятын үөрэххэ туйгун 10 кылааһын үөрэнээччитэ – Кристина Куличкина;
  • Степан Макаров аатынан Чурапчы гимназиятын үөрэххэ туйгун 10 кылааһын үөрэнээччитэ – Сардана Старостина.

 

Сэмэн ЖЕНДРИНСКЭЙ. Ааптар хаартыскаҕа түһэриитэ