Туох-ханнык үлэлэр бара туралларын улуус баһылыгын бастакы солбуйааччыта Егор Сивцев билиһиннэрэр:
- Мелиорация салалтата Чурапчынан, Тааттанан былааннаммыт үлэтин ыытар. Төлөй Чычаас быһытыгар халаан уутун кэннинээҕи (послепаводковай) өрөмүөнү ыыталлар, бетонун көтүрэн, матырыйаалларын күүтэллэр.
Кытаанахха сифон олордуохтаахтар, ону тэҥэ былааннаммыт үлэни оҥоруохтара.
Чурапчы Куоҕалы быһытыгар быйыл көннөрүү үлэтэ ыытыллыа, эһиилги үбүлээһинигэр бырайыага оҥоһуллуохтаах.
Лахалдьы быһытыгар саахалы сөргүтүү үлэтин бүтэрэн эрэллэр. Үлэни “Хатан-строй” тэрилтэ ыытар. Матырыйааллара кэллэҕинэ, пленканан сабан, үрдүгэр таас куттахтарына бүтэр.
Маны таһынан “Хатан-строй” Чурапчы-Арыылаах суолун оҥорор, болдьоҕор бүтүөхтээх.
Хатылыга халаан уута алдьаппыт муостатын өрөмүөннүүллэр. Муостатын, суолун оҥорон бүтэрдэхтэринэ, Мырылаҕа халаан уута алдьаппыт суолун оҥоруохтара.
Елена Макаринская