Улуустааҕы кииннэммит библиотекаҕа нэһилиэнньэҕэ анаан «Таҥха оонньуулара» алыптаах, таайтарыылаах тэрээһин сарсын тохсунньу 17 күнүгэр күнүс 3 чаастан буолуоҕа.
Бу сылга туох күүтэрин күлүгүнэн көрүү билгэтэ, баҕа санаа каартатын оҥоруу, былыргылыы рунанан уонна таро хаартынан таайтарыы, нейрографика курдук араас хайысхалар үлэлиэхтэрэ.
Рунанан таайтарыыны руна үөрэхтээх Анисия Беляева, нейрографиканы Луиза Кобельянова уонна таронан таайтарыыны таролог Айна Собакина ыытыахтара.
Онон бэйэҕитин тиийэн тургутан көрүөххүтүн сөп.
Елена Макаринская