Алаҕар орто оскуолатын үрдүкү кылааһын уолаттара уонна оскуола актыбыыстара нэһилиэкпит баһылыгын Иван Оконешниковы кытта көрсөн, атах тэпсэн олорон сэһэргэстибит.
Иван Иванович төрөөбүт дойдуга таптал, бэриниилээх буолуу, харыстабыллаах сыһыан тиэмэлэринэн кэпсэтиини саҕалаата.
Кини кэлэр көлүөнэ ыччат дойдутун устуоруйатын билиэхтээҕин, биллэр-көстөр дьонунан киэн тутта үөрэниэхтээҕин эттэ. Үөрэнээччилэргэ оскуолаларын чиэһин олимпиада, успуорт уонна араас күрэх көмөтүнэн ааттата туруохтарын баҕарда. Маннык санааларын этэн туран, оскуолаҕа оҕо волейболга өссө күүскэ дьарыктанарыгар икки тренажеру бэлэх уунан үөртэ.
Оскуола кэлэктиибин, үөрэнээччилэрин ааттарыттан нэһилиэкпит дьаһалтатыгар махталбыт муҥура суох.
Алик Копырин, 11 кылаас, Алаҕар орто оскуолата, «Алаҕар кэскилэ» медиа киин