Петр Николаевич Андреев Дириҥнээҕи сибээс отделениетыгар почтальонунан үлэлээбитэ. Кини 1976 сыллаахха былааннах сорудаҕын 126 бырыһыан толорон, оройуон чулуу почтальонун бочуоттаах аатын ылар чиэстэммитэ.
Сибээс кырдьаҕас үлэһитэ онус пятилетка иккис сылыгар, Улуу Өктөөп социалистическай өрөбөлүүссүйэ 60 сылын көрсө, бэйэтин тустаах үлэтигэр үрдэтиллибит социалистическай эбэһээтэлистибэни ылыммыта:
Үбүлүөйү көрсө розничнай почтовай табаардары атыылаһан сыллааҕы былаанын толорон тиийэргэ, ол эбэтэр 540 солк. үбү киллэрэргэ, хаһыаттары, сурунааллары, посылкалары о.д.а. почтовай ыытыылары аналлаах учаастагар тутатына тарҕатарга, тус бэйэ билиитин-көрүүтүн үрдэтэн иһэргэ, нэһилиэк уопсастыбаннай олоҕор көхтөөхтүк кыттарга.
Чулуу почтальон Петр Николаевич Андреев, итинник эбэһээтэлистибэни ылынан туран, оройуоҥҥа бэйэтин биир идэлээхтэрин социалистическай куоталаһыыга ыҥырбыта.
Сэмэн ЖЕНДРИНСКЭЙ