ЧГИФКиС выпускнига Василий Егоров – Дойду Кубогын VI-та төгүллээх чөмпүйүөнэ

Бэҕэһээ, өр да өр кэтэһэн-манаһан, сахабыт уола, бүрээт маастара Баир Батлаевы кытары киирсиитин көрдүбүт.

Чэпчэки ыйааһыннаах боксердар күрэхтэһэллэрин көрдөрөр мэлдьи интэриэһинэй. Бэрт чэпчэки туттунуулаах, түргэн-тарҕан Василий Егоров бастакы икки раунун эрэллээхтик ылбыта,

онтон үһүс түһүмэххэ туох да диэбит иһин Баир баһыйа туппутун билиниэх тустаахпыт. Түмүккэ, судьуйалар уопсай быһаарыыларынан 5:0 ахсааҥҥа Европа икки төгүллээх чөмпүйүөнэ, боксаҕа РФ успуордун үтүөлээх маастара, Чурапчытааҕы Судаарыстыбаннай физическэй култуура уонна успуорт үнүстүүтүн выпускнига Василий Михайлович Егоров — Арассыыйаҕа VI-с төгүлүн чөмпүйүөн үрдүк аатын ылла. Салгыы кини Сербияҕа, Европа Кубогар кыттар чиэскэ тигистэ.

Хас ыйааһын аайы кыайыылаахтар 1,5 мөл.солк наҕаарадаланыахтара, үрүҥ көмүс мэтээллээхтэргэ 250-нуу тыһ.солк онтон боруонса мэтээлгэ 125 тыһ.солк бириэмийэни тутуохтара.

Сэмэн Жендринскэй