Бүгүн, атырдьах ыйын 30 күнүгэр, СӨ Бырабыыталыстыбатын 1№-дээх дьиэтигэр Ил Дархан Айсен Николаев, Арассыыйа дьоруойдара Алексей Неустроевы уонна Филипп Евсеевы кытары үөрүүлээх көрсүһүүтэ буолла. Чиэстээһини “Якутия 24”, “Саха” НКИХ ханаалларыгар уонна “Тэтим” араадьыйаҕа быһа биэриинэн таһаардылар.
Алексей Неустроев уонна Филипп Евсеев Запорожье хайысхатынан ВСУ бронетехникатын үлтүрүтэн аатырбыт Т-80 «Алёша» тааҥка экипаһын байыастара буолаллар. Кинилэр хорсун быһыыларын бүтүн аан дойду биллэ. Саха сирин олохтоохторо кинилэринэн бары киэн тутталлар.
Бэлэмнээтэ Сэмэн Жендринскэй