Үрэх уҥуор олорор түөлбэ олохтоохторо оттук мас, чох сыаната ыараабытын, дэлээнэ бүтэн эрэрин ыйан туран, киинтэн ититиигэ холбуулларыгар эттилэр. Маны тэҥэ суол асфаллааһынын, өрөмүөнүн, культурнай-спортивнай киин тутуутун, улуус киинигэр военкоматы, шлюзтаах быһыты туруорустулар.
Өссө биир улахан боппуруоһунан оскуоланы НСОТ-тан босхолооһун турда. Мария Аргунова бу боппуруоска оскуолаҕа сылдьан, дириэктэри кытта көрсөн кэпсэттэ.
Ыйытыыларга байыаннай дьайыы, тыа хаһаайыстыбатын, доруобуйа харыстабылын, социальнай көмө, федеральнай трассаны уоттааһын, о.д.а тустарынан киирэн эппиэттэннилэр.
Үлэни сөптөөҕүнэн сыаналаатылар.
Елена Макаринская