Бэҕэһээ о.э. муус устар 28 күнүгэр, Дьокуускай куоракка Саха сирин волейболга Бэдэрээссийэтин киэҥ далааһыннаах кэмпириэнсийэтэ буолан ааста диэн СӨ Ил Дарханын уонна СӨ Бырабыыталыстыбатын пресс-киинэ иһитиннэрэр.
Тэрээһин хаамыытыгар Бэдэрээссийэ бэрэссэдээтэлэ Янис Ефимов уонна ревизиялыыр-хонтуруоллуур хамыыһыйа бэрэссэдээтэлэ Виктория Максимова отчуоттарын иһиттилэр. Дьүүллэһии түмүгүнэн волейболга Саха сирин Кэтээн көрөр Сэбиэтин тэрийэргэ быһаарыныы ылыннылар.
Сэбиэт бэрэссэдээтэлинэн СӨ Бырабыыталыстыбатын бэрэссэдээтэлин 1-кы солбуйааччы Дьулустан Борисов талылынна.
Дьулустан Анатольевич бэйэтин иһитиннэриитигэр өрөспүүбүлүкэҕэ волейбол көрүҥүн салгыы сайыннаран – Саха сиригэр эрэгийиэннээҕи волейбол киинин тэрийэргэ эттэ, итинэн сиэттэрэн өрөспүүбүлүкэ нэһилиэнньэтигэр бу успуорт көрүҥүн киэҥник тарҕатан, холкутук дьарыктаналларыгар кыаҕы биэрэн, Бүтүн Арассыыйатааҕы волейбол бэдэрээссийэтин кытары сибээһи күүһүрдэргэ ыҥырда.
Киэҥ далааһыннаах мунньахха СӨ успуорка уонна физическэй култуураҕа миниистир бастакы солбуйааччы Александр Бугаев, Чурапчытааҕы судаарыстыбаннай физическэй култуура уонна успуорт үнүстүүтүн бэрэсидиьиэнэ Михаил Гуляев, физическай култуура уонна маассабай успуорт управлениетын начаалынньыга Роман Оконешников, “Азия оҕолоро” Норуоттар икки ардыларынааҕы ыспартыыбынай оонньууларга өрөспүүбүлүкэ уолаттарын сүүмэрдэммит хамаандаларын үрдүкү тириэньэрэ Айсен Жерготов, СӨ волейболга Бэдэрээссийэтин дириэктэрин эбээһинэһин толорооччу Афанасий Сивцев кыттыыны ыллылар.
Сэмэн Жендринскэй