Дуня орто оскуоланы бүтэриэҕиттэн төрөөбүт-үөскээбит Чакырыгар сүөһү иитиитигэр ситиһиилээхтик үлэлээбитэ.
Бастакы сылыгар Николай Семенович Макаров настаабынньыктыыр борооску көрөөччүлэрин звенотугар анаммыта. Үлэҕэ баҕалаазх, кыһамньылаах кыыс бэрт ыарахан кыстыкка ыччат сүөһүнү төлөһүтүүгэ дьоҕурдааҕын көрдөрбүтэ, бииргэ үлэлиир табаарыстарыгар сөбүлэпппитэ.
Отделение салалтата нөҥүө сылыгар кинини өссө эппиэтинэстээх учаастакка – ыанньык ферматыгар үлэҕэ ыыппыта. Бастаан утаа, кырдьык, ыарахан этэ. Онтон чаҕыйбакка, хомсомуолка аҕа саастаах, уопуттаах дьүөгэлэрин көмөтүнэн ыанньыксыт мындыр идэтин баһылыырга дьоҕурун барытын ууран үлэлээбитэ. Ол түмүгэр кини сотору атыттартан соччо-бачча хаалсыбат буолан барбыта.
Евдокия Никонова ордук 1980 сыллаахха ордук көтөҕүллэн үлэлээбитэ. Улуу сирдьит В.И. Ленин төрөөбүтэ 110 сыла туолуутун чиэһигэр социалистическай куоталаһыыга үчүгэй көрдөрүүлэммитэ, аҥардас муус устар ыйыгар валовойунан 2109 киилэ үрүҥ илгэни ылан, сорудаҕын балтараа бүк куоһарбыта.
“Ынахтарым төрөөннөр үүт-ас лаппа эбилиннэ, үлэ да үксээтэ”, — диэбиттээҕэ эдэр ыанньыксыт. “Кыһарҕаннаах кыстык түмүктэнэрэ чугаһаата, сотору күөх сирэм мэччирэҥҥэ тахсыахпыт. Дьэ оччоҕо буолуо үлэ-хамнас үксээһинэ, үрүҥ тунах дэлэйиитэ”.
Сэмэн Жендринскэй