СӨ Ситэриилээх былааһын 2023 сыллаах үлэтин отчуота бүгүҥҥүттэн саҕаланна.
Бастакы бөлөх отчуоту Алаҕартан саҕалаата. Дакылааты СӨ Экономика миниистирин 1-кы солбуйааччыта Мария Аргунова оҥордо.
Олохтоохтор киинтэн ититиини, чуолаан саҥа хочуолунайы уонна уотунан хааччыллыыны туруорсаллар. Нэһилиэх арҕаа түөлбэтэ Толоон линиятыгар холбонон турар, онтон арааран, Алаҕар бэйэтин линиятыгар холбууру эттилэр.
Маны сэргэ саҥа уһуйааны, Чаачыгыйга автобус тохтобулун, «Меркурий» бырагырааманан сыллааҕы үүт аналиһын сыанатын чэпчэтэллэригэр, тыа хаһаайыстыбатын сайдыытыгар эдэр ыччаты тардарга, Анастасия Лыткина үбүлүөйүгэр Бырабыыталыстыба хамыыһыйатын тэрийэргэ эттилэр.
Отчуоту истибиттэр үлэни сөптөөҕүнэн сыаналаатылар.
Елена Макаринская